مساء الخير صبايا
انا قبل يومين اسبوع 6 ويومين نزل علي بقعة دم بدون الم رحت للمشفى وعملت كل الفحوصات وكان كلشي تمام وشفت كيس الحمل والجنين والنبض والحمدلله كله بخير وقلي اكمل دوفاستون واتروجستين واوقف اسبرين وكليكسان..وكتير بلش يخف من وقتها الدم وتقريبا وقف اليوم وبعد يومين يعني اسبوع 6واربع ايام رجع نزل دم مع التمسيح وانتن بكرامه بدون الم مين صار معها هيك شي.
العضوة: 1794770 , 2 years ago
الله يتمملك عخير يارب انا بحكيلك تجربتي كنت اخد اسبرين ونهايه شهر تاني نزل دم رحت للمشفى كان كلشي تمام حكولي وقف الأسبرين و اخدت مثبت والحمدلله خف وراح ف بكون من الأسبرين لان مميع لدم انتي سوي متل ماحكولك وكتري شرب مي وخدي مثبت ورتاحي اهم شي راحه تامه والله يتمملك عخير ياربالعضوة: 153990 , 2 years ago
@user-1794770 تسلمي حبيبتي...يعني الاسبرين والكليكسان ما بيطلع مفعوله دغري من الجسم.يعني انا وقفت الادويه مبارح واليومالعضوة: 153990 , 2 years ago
رفعالعضوة: 1868254 , 2 years ago
خوفتوني من الاسبرين لان الدكتور واصفلي ياه ومن تلت ايام عند المسح شفت بني فاتح كتير ورحت ع دكتور قلي مافي شي بخوف بس ماوقفلي الاسبرينالعضوة: 153990 , 2 years ago
@user-1868254 بالعكس عزيزتي ما في شي بخوف هو كثير مفيد للجنين وبساعد للتثبيت بس في اجسام ما بتتحمل خاصة اللي ما عنده تخثر من الاساس..انا ما عندي تخثر بس الدكتور اعطاني اياه لانه عملت تلقيح مجهري. الله يتمملك عخير.العضوة: 1868254 , 2 years ago
انا مابعرف ليش عطاني ياه رغم انو ماعندي اجهاض سابق او شي انا تأخرت بالحمل لان مخزون الاباضة عندي ضعيف مابعرف اذا لهالسبب عطاني الاسبرينالعضوة: 153990 , 2 years ago
@user-1868254 ان شاء الله ما بصير الا كل خير.. اعملي شو بقلك الدكتور.العضوة: 256399 , 2 years ago
انا صار معي نزيف بالاسبوع سادس ورحت فحصت كان جنين والنبض بخير الحمدلله دكتور وقفلي الاسبرين يومين بس ليخف النزيف و ابر الكليكسان بقيت متابعتهن مع المثبتات والراحة تم النزيف تقريبا شهرين لبداية شهر رابع وانا هلق بالشهر الخامس واموري بخير الحمدلله كمان بحملي سابق صار معي نزيف شهرين والحمدلله الحمل مضي على خير وولدت بخير وسلامةالعضوة: 1868254 , 2 years ago
دخيل عينك حبيبتي بدي اسألك ايمت اول مرة سمعتي النبض بانو اسبوع هلق انا من تاريخ اخر دورة شهرية بعد بكرا بفوت بالاسبوع السادس وعندي موعد عند الدكتور ببين النبض ولابكيرالعضوة: 153990 , 2 years ago
@user-256399 حبيبتي الله يطمن قلبك ويبعتلك شو بتتمني بكامل صحته..انا افراز دموي خفيف مو نزيف كتير هيك قلي الدكتور بس بتعرفي كيف الوحده بتكون خايفه وعلى اعصابها بفترة الحمل خاصه لما بتشوف شي مو طبيعي.انا قلت وقف تريحت شوي رجع اليوم نزل رجعت خفت...ان شاء الله خيرالعضوة: 153990 , 2 years ago
@user-1868254 انا لسا من يومين كنت اسبوع 6 ويومين رحت على اساس انه نزل دم فعملي فحص داخلي لانه سونار البطن ما ببين كلشي واضح بهيك اسبوع شفت الكيس والبيبي والنبض وكان الحمدلله مناسب لاسبوع الحمل وما كان في سبب لوجود الدم. بس وقفولي ابر سيوله واسبرين ومكمله بالدوفاستون ودوا التثبيتالعضوة: 256399 , 2 years ago
الله يطمن بالك ويتمم حملك على خير انا صار معي نزيف قوي اسبوع بعدين افراز بني ضل شهرين تقريبا والحمدلله اموري بخير هلق بس اشربي مي كتير حاولي تشربي ٣لتر باليوم معي راحةالعضوة: 153990 , 2 years ago
@user-256399 ان شاء الله حبيبتي تسلميلي...ولو انه الراحه كتير شوي صعبه مع عيله وانا شغلي مدرسه وما بالك شغل المدرسه بحاول ان شاء الله على قد ما فيني..