أرجوكم ردوا علي ، أنا حامل يمكن بالشهر الأول ، يوم الإثنين نزل علي إفرازات سوداء بسيطة مثل الخيط ، رحت الدكتورة العمومية فحصتني ع بطني و خبرتني إنو شي عادي لأنو الجنين بدو يثبت ع الرحم و لهيك بتنزل هالافرازات ، و عطتني مثبتات و فيتامين و أرجع بعد 15 يوم حتى تشوف الدقات ، و الثلاثاء بعد العشاء لقيت نقطة سوداء كمان ، لكن بعدها من 1 بالليل ل 7 الفجر بينزل علي دم أحمر ، و لما صحيت ب 10 صبح رجعت الافرازات سوداء و بنية إلى الآن لكن صارت خفيفة شوي بالكمية ، المهم الصبح رحت الدكتورة العامة خبرتها شو حكتلي الطبيبة الأولى ، قالت لي إذا كان الجنين بدو الاجهاض مش ممكن نشرب مثبتات شو رح نثبت ، و إذا كان بخير رح تشربيها إن شاء الله ، عملت لي فحص كمان ع بطني و قالت لي رح أحاول أشوف الدقات إذا ظهرت ، شافت شافت و ما ظهر أي إشي و قالت لي رح تروحي دكتورة اختصاصية تسويلك سونار مهبلي عشان تشوف الدقات ، رحت الطبيبة الاختصاصية فحصتني ع بطني أول ما شافت شي بعدين عملت السونار المهبلي و ما شافت و لا اشي ، سألتها هل هو اجهاض قالت لي مش رح اقدر أخبرك الآن و عطتني مثبتات و قالت لي أرجع بعد 10 أيام .