مرحبا بنات انا حامل في الشهر الثالث ونفسيتي كتير تعبانه بضل نايمه طول الليل والنهار ويادوب لما اصحى اقدر اعمل غدا ع موعد رجعة جوزي من الشغل وما الي نفس اقعد مع جوزي ولا اعمل شي انا مغتربة جديد وعم اخد كورس لغة وما داومت اسبوع بعدين اجت اجازة عيد الميلاد وما داومنا اسبوع وبعدين انا ما رجعت اداوم بعد الاجازة يعني تقريبا صرلي 3 اسابيع ما داومت ما بقدر اقوم من التخت من الكسل وما بفطر ويادوب اكل وجبة وحدة مع جوزي بس يرجع من الشغل وهو يرجع بعد المغرب وجوزي بينام بدري وانا بضل لحالي وبضل ابكي لبين ما انام حاسة حالي مخنوقة ولحالي وانا طبيعتي ما بحب افضفض ولا احكي شو الي مضايقني لحدا، خصوصًا أهلي لأنهم بعاد كتير عني ما بحب ادايقهم بقصصي انا كتير تعبانة وأحيانا بفكر أئذي حالي واحيانا بدعي اجهض بحس ما بدي البيبي لأني ما كنت نهائيا هيك قبل الحمل ، بعدين بستغفر ربي ، مع انه قبل يومين لاحظت الله يكرمكم افرازات بنية وكتير خفت وتوترت وصرت ابكي ما بعرف شو اعمل كتير مدايقني حالي هيك ، انا قبل الحمل كنت كتير نشيطة وبحب الحياة وهلأ بحس قافلة ع حالي وما بدي لا اشوف حدا ولا احكي مع حدا وحتى جوزي كتير مدايق من حالي ، قبل شوي حكالي شو فيكي اخر فترة انتي مو ع بعضك قلتله ما بعرف قلي لازم تعرفي وعلا صوتو انو ما بينفع هيك ولازم الاقي حل للموضوع واحكي واستشير ومن هالحكي هو حكيه صح بس انا مو قادرة اعمل شي وانا تدايقت لأني حاسة المفروض هو يبادر ويساعدني لأنه اصلا لو انا بعرف الحل كنت عملته وساعدت نفسي بس انا ما عارفة شو اعمل ولما افضفضله او ابكي قدامه بقلي انا طول اليوم بالشغل بدي ارجع ارتاح والي فيني مكفيني قلتله احجزلي طيارة ارجع عند اهلي لبين ما يتحسن حالي ومنها ما بدايقك معي قلي هاد مو حل وفكري تاني يارب ساعدني كتير تعبت والله كتبت كل هالحكي وانا عم ابكي وما كتبته الا بعد حكي جوزي مع اني ما بحب اشكي الا لرب العالمين ياريت الي عندها نصيحة تكتبها لوجه الله وبعتذر ع الاطاله وشكرا مقدما