البكريات لا تدخلو رجاءاً ♥
مرحبا اخواتي كيفكم ان شاء الله بخير من كم يوم انا كنت عم حس بتعب شديد ومن بدايه حملي بابني الاول كمان كان يغمى علي بالشهور الاولى وممكن اوقع بأي مكان وبأي وقت وهلق هاد الحكي عم يتكرر بحملي التاني واليوم خاصة كنت طول الوقت دايخة رحت ع دكتورة هون كتير قريبة ع بيتي وجديدة ماصرلا زمان فاتحة العيادة المهم رحتلها لانو قريبة بس حكيتلها شو عم يصير معي وطلبت مني عدة تحاليل رح ساويها وروح ع دكتورتي الخاصة مو لعندها وحكيتلها شو صار معي بولادتي الاولى وشوفو شو ردت علي وحكولي اذا وحدة منكم صار معها متلي وعدت على خير .. بولادتي الاولى ولدت عند دكتور غير دكتورتي الخاصة لانو وقتها كانت دكتورتي باجازة وكنت بدي اولد عندها بالمستشفى بس لما اجاني طلق ورحت اشوف وضعي عند دكتور حكالي لاتروحي ع مكان انتي ولادة انا رح ولدك وبالفعل حطولي طلق صناعي خلال ساعة ولدت بس كييف ولدت لو تشوفو طبعا طلق ركبوه بعد عذاب يوم كامل تقريبا بس وانا عم اولد صار يضربوني على اجري ويسكرو تمي الممرضات تبعو ودكتور كمان كان عم يضربني على اجري كمان 😔 من كتر الصراخ والتعب انا صار يغمى علي وانا عم اولد وصار كل مااغفى يصحوني بكفوف قوية وهييك نص ولادتي كانت وانا نايمة ويصحوني على كفوف
مابحب اتزكر هداك اليوم والله لايدوقو لوحدة منكم بس بدي اعرف منكم شو سبب الاغماء بالولادة وهل هو معناها كان عم يغب على قلبي وكان ممكن موت متل ماقالتلي هالدكتورة ووقتها الدكتور الي ولدني كمان لما رجعتلهم اعادة بعد الولادة عاتبتو علضرب قلي لو مانا ضاربينك كان نمتي ومافقتي .. بصراحة هلق ابني صار عمرو 3 سنين تقريبا وانا لهلق مابنسا هداك اليوم والخوف الي فيه بس سبحان الله كيف هيك حبيت احمل مرة تانية مابعرف ههه وهلق خايفة اكتر من الاول بالف مرة لاني وقتها ماكنت بعرف شو عم يستناني من وجع بس هلق بعرف والقصة مابتخلص بالوجع لا ممكن نام ومافيق 😔😔
اسفة ولله لاني طولت بس الله لايورجيكم الخوف الي انا فيه هلق اصلا قلبي ضعيف كتير ولله بخاف من كل شي وهلق لسااا بشهر رابع ومرعوبة من هلق اذا ضليت على هالحالة بموت قبل الولادة كمان هههه
العضوة: 383060 , منذ 3 سنوات
صبايا قصدي في وحدة مرت بتجربتي او بيغمى عليها وهي عم تولد ولا انا كنت بخطر فعلا وخاصة اني ع كلام دكتورة ممكن جدا انو ينعاد هالحكي 😔العضوة: 870522 , منذ 3 سنوات
حبيبتي اتطمني لكل ولاده ظروفها ، مو شرط اللي صار يحصل مره ثانيه ، الولاده جهاد وتعب وكلنا يغمى علينا ونرجع نفيق عادي حبيبتي ، انتي قوي قلبك وتفائلي خير وماراح يصير الا كل خيير ان شاء الله ، وبعدين انتي بالشهر الرابع لسا ع الولاده استمتعي بحملك والولاده امرها عند الله الله يسهل عليك وعلى كل حاملالعضوة: 858093 , منذ 3 سنوات
انا مااغمى علي بس فجاه مابقى فيني حيل اني اكبس او اساعد حالي صرت متل الرقعه بالارض 😑وكانت ولادتي التانيهالعضوة: 880034 , منذ 3 سنوات
لا تخافي حبيبتي .... الجأي لله بالدعاء أن ييسر عليك ... ثم في الغالب أول ولادة متعبة والألم أشد ووقت الطلق أطول ... عكس الولادة الثانية تكون اسرع سبحان الله ... انتي أهم شيء وقت الولادة لا تسمحي لهم يعطوك مثل الأوكسجين استنشاق يقولوا يخفف الألم هذا يخليك تدوخي ويجيك أغماء.. ومن نص الثامن روحي امشي كل يوم ساعة ..لما يجيك وقت الولادة المشي بيقويك على الولادة ... اهم شيء الآن تعملي فحوصات فيتامين دال ونسبة الهيموجلوبين ومخزون الحديد .. والصفائح الدموية ... اذا كل شيء تمام إن شاء الله أمورك طيبة ... بأذن الله بتتيسر تفائلي بالخير ... وقد قال الله في الحديث القدسي (( أنا عند ظن عبدي بي )).. إن ظن خيراً فله وإن ظن شراً فله فتفائلي وأحسني الظن بأرحم الراحمين ...العضوة: 600229 , منذ 3 سنوات
رفعالعضوة: 869810 , منذ 3 سنوات
@user-383060 أولا حمد الله على السلامة حبيبتي أنا كمان صار معي متلك بيضربوكي على إجرك مشان تدفعي منيح و ما تسكري على البيبي أما الكفوف إيه عادي لأن بالولادة ينزل الضغط من الدم الي بنخسرو فيغمى علينا أنا كان يغمى علي ما خلوني و صارو يصرخو و يصبو ماي على وشي منشان فيق و ما أغفى لأنو إذا بغفى بموت و صح حسيت بالموت أنا كانو صفائحي الدموية هابطين بس الحمد الله على كل شيئ أنا بنتي ولدتها متوفيةالعضوة: 752129 , منذ 3 سنوات
طيب اولدي فيصري افضل☹️العضوة: 445962 , منذ 3 سنوات
مو كل لولادات شكل انا ولدت بس ماشفت كل هتعب هاد وهلق حامل بسهر سابع بل بطن تاني ولبطن الولاه بيوم واحد طلقت وولدت طبيعيه بس في الام بس مو كتيرالعضوة: 881282 , منذ 3 سنوات
@user-880034 ونِعم باللهالعضوة: 86302 , منذ 3 سنوات
يمكن يكون سببه مس او عين اول مره اسمع بهالحاله. انا بولادتي الاولي كان الطلق حامي والالام قويه كنت اقرا قران عشان يسهل علي ولادتي بنص الطلق جاني نوم ونمت بدون ماحس بحالي كان رمضان وهم الممرضات اصلا مشغولين عني ماجاو عندي غيرر بعد ساعه صحوني لمن صحيت ماكنت احس بشي لا طلق ولا وجع ولا كان عندي ولاده والرحم كان ع حاله ماتوسع بعدها قالو يمكن نعطيك طلق صناعي او نحَولك عالعمليه. والحمدلله عطوَني طلق صناعي وولدت طبعن بعد مرور ١٦ ساعه طلقالعضوة: 383060 , منذ 3 سنوات
ولله كنت ولازلت فرحانة بحملي بس هلق صرلي كم يوم عم اتزكر كل شي وكاني من شوي عشتو 😔 يارب الله يطمنك حبيبتيالعضوة: 383060 , منذ 3 سنوات
وكنتي عم تصرخي كتير وقتها ولا لا وكيف بعدين كملتي الولادةالعضوة: 383060 , منذ 3 سنوات
لا اله الا الله ولله عم ادعي كتير وصايرة اوقات وانا عم ادعي ببكي بدون ماحس بقول ياربي معقول موت واترك وراي ابني وهاد الي ببطني كمان باكل همو من هلق .. وبنسبة لتحاليل ان شاء الله رح ساوي كل شي بتطلبو مني دكتورة وعلى ولادتي الاولى بابني بتصدقي اذا قلتلك من اول حملي لاخر يوم وانا بمشي كل يوم ساعة وهلق كمان نفس شي لاني برتاح عالمشي بيخف عني ضيق تنفس ويخف الم ظهري وكل شي الحمدلله وشكرا كتير حبيبتي♥العضوة: 383060 , منذ 3 سنوات
رفع الله قدرك ♥العضوة: 383060 , منذ 3 سنوات
حبيبتي الله يعوض عليكي يارب كانت اول ولادة الك صح وهلق حامل ولا شو وايمتى عرفتي بهالمشكلة تبعك