السلام عليكم ورحمه الله وبركاته اسعد الله صباحكم بكل خير 🌷 بدخل بالموضوع دوغري قبل اسبوع وبعد العلاقه نزل علي دم بسيط كان توه لي ليومين بالتاسع وبعدها بديت احس بالم خفيف مع تحجر البطن زاد كثير علي صرت امشي بالبيت واسوي القرفصاء وارتب عشان اتحرك اكثر ورحت اتروش بمويه حاره واتنقعت فيها بعدها خذت شنطتي وعلى المستشفى اول ماوصلت خذو الوزن والضغط وسوو لي تخطيط الطلق وبدى يطلع انه فيه طلق خفيف انا كان المفروض اسوي الاشعه وتحليل الدم والمسحه المهبليه بس سبحان الله جات الولاده قبل مااسويه فهم على طول ركبو لي مضاد وسوو لي الاشعه لانهم شكو ببطني صغيره مو طفل تاسع واعطتني الدكتوره ابره الرئه وبعدها قبل لاينزلوني لغرف الولاده رحت الحمام وفضيت بطني وسويت كم مره قرفصاء لاني عارفه بيربطوني بعدها بالسرير 😁 نزلنا لغرف الولاده ماكان فيه الا انا ووحده 💔 بعدها بساعه كنت ابي الحمام مارضت تفك المغذي خافت اني ادفع قلت لها لا فعلا ابي الحمام لاني اكره شي القسطره مولمه يالنسبه لي 😭 ورحت الحمام ورجعت وبدى الجد لما فكت المويه واحلى شي ان الدكتوره والنير س حولي طول الوقت ويدعمون الولاده الطبيعيه هاذا اهم شي بالنسبه لي ولله الحمد بعد تعب وعناء ولدت بالسلامه بدون مقص لاكن الطفله هي نفسها شقتني وخيطته الدكتوره اهم شي كنت اتنفس بطريقه رولا القطامي 👏🏼👏🏼 اما بالنسبه لبنتي دعواتكم لها لما ولدتها كانت التنفس عندها متسارع والوزن ناقص على طول خذوها للعنايه ومازالت فيه لها ٨ ايام صح تتحسن بس شعور موجع ترجعين من غير طفلك المهم اللي تدور مستشفى بالرياض تروح للتخصصي الطبي طاقم التوليد ممتاز وحتى مراجعتي معهم 👍🏻 اللي اراجع عندها كانت الدكتوره نهله محمد واللي ولدتني الدكتوره لمساء السباعي حبيت افيد اللي مازالت محتاره وين تولد واي سؤال انا حاظره