العضوة: 900035 , 1 year ago

@user-466760 الحمدالله دامهم بخير فتره وتعدي ماعليك واهتمي بنفسك عشان لما يخرجونهم تكونين بصحتك وقويه وتقدري تهتمي فيهم استودعهم الله

العضوة: 1824788 , 1 year ago

الحمدلله دامهم تحت رعاية المشفى بيطلعون بالسلامة وتقر عينك بشوفتهم سليمين انا مثلك كذا كنت حامل بتؤام بس صراحة انا ماكنت اراجع بالمشفى نادر اروح فرحت بنهاية الثامن وكتبوا لي تنويم ع طول لانه مشيمة وحدة ركبوا لي اكياس دم و عطوني ابر رئة ولاني رايحه لها بنهايه الثامن كنت موصلة اصلا وتعبانه حيل ونزل الماي علي قبل حتى موعد العملية اللي حددوه لي طبعا عملية لان مشيمة وحدة وخافوا ع التؤام ينقصهم اكسجين ولان واحد منهم نازل راسه تحت والثاني مقعدي

العضوة: 466760 , 1 year ago

@user-1824788 وطمنيني كم قعدو بالحضانه

العضوة: 1824788 , 1 year ago

ماقعدوا بالحضانه بس عطوني واحد بالغرفة ارضعه والثاني عندهم يومين وطلعت واهم معي وطبعا الفضل لابر الرئة يقولون والعلم عند الله انها تحفز ع الولادة فيمكن عشان كذا نزل علي الماي طبعا تدرين ولدي اللي كان راسه نازل تحت الحبل السري ملتف حولين رقبته ونبضه ضعيف لولا نزل الماي كان انا سكتت لانه قبلها كان فيني طلق بس خايفه اقولهم وعرفوا من جهاز التخطيط اللي يحطونه ع البطن وانا نكرت ان فيني طلق لين صار النبض ضعيف والماي نزل ع طول عمليات وتخدير كامل

العضوة: 1824788 , 1 year ago

فندمت اني مارحت مبكر للمشفى واهملت المراجعات بس الحمدلله ربي ستر واحين اعمارهم سنة وشهر ومجننيي لاتحاتين اهتمي بنفسك عشان اذا طلعتيهم تقدرين تقومين فيهم يارب يجبر بخاطرك وتقر عينك بسلامتهم

العضوة: 466760 , 1 year ago

@user-1824788 ماشاءالله ربي يحفظهم ويخليهم لك انا حتى اخذت ابرة الرئه بس شكلها مافادت بس عندهم مشكلة الرئه مااكتملت استودعتهم ربي الذي لاتضيع ودائعه☹️

العضوة: 1824788 , 1 year ago

استودعيهم الله وطلعي صدقة عنهم الصدقة تدفع البلاء باللي تقدرين عليه الله يبرد قلبك وتشيلينهم بين يدينك معافين سليمين

العضوة: 1711963 , 1 year ago

ياعمري لاتخافين صديقتي ولدت برمضان بشهر سابع ولحين بنتها معها عادي مافي خوف قوي دامك بثامن لحمدالله الله يجعلهم من اهل الصلاح

العضوة: 139776 , 1 year ago

كيف كنتي تشعري كيف الطلق كان مثل شو