أنا من حوامل ٢٧ اكتوبر وقبل يومين نزلت موضوع اسأل فيه عن التقلصات وكيف لأني مو عارفه ألم الدوره لأني شربت حليب بالفلفل الأسود وخفيف قلت أكيد طلق كاذب وإذا استمرّ بروح و ليلتها رحت للمستشفى وفحصوني وقالو الراس مانزل مره بالحوض والرحم مسكر توك مو ولاده ورجعت البيت مع انو كان طالع بالتخطيط انو طلق خفيف بس بعييييد كل نص ساعه تقريبا ونمت صحيت الجمعه احس عضامي مكسره والطلق الي احسب انو طلق كاذب باقي مستمر ماراح ولا زاد نفسه هو هو نظفت وفطرت وبخرت وصلينا الجمعه بس وجهي تعباااان واسودّ و فخوذي احس مهدود حيلهم مقدر أوقف كثير أو اجلس كثير قلت يلا ع المستشفى ورحت وكان الدكتور غير عن الي قبله وكنت شوي واصيح عنده من التعب قال بفحصك وطلع مفتوح الرحم ١ بس باقي الراسً مانزل الحوض قلت امس كان مسكر يعني طلق ؟؟ قام سوالي تحريض باليد وقال يومين ثلاثه ان شاءالله يبداً يقوى وع طول رحت للمستشفى الي بولد فيه (غير الي سوت لي تحريض ) وجلست امشي لين تعبت ودخلت قالو 4 سم ولاده وطلعوني فوق ومن الساعه ٨ الليل إلى الساعه ٢ والطلق مااحس فيه ولما فحصوني ع أساس يطلعوني كشك الولاده عبالهم٨-٩ طلع لا ماتغير ولاااا شي يادوب 4 ونصصص وسوو لي تحريض ثاني واعطوني مهله ساعتين ولا تغير شي وأنا ما احس بولا شي قالت قومي امشي نبي الجنين ينزل عشان يفتح الرحم براسه ومشيييييت وآخر شي صار ٥ سم 😢 وقامت فكت لي المويا اللي أعطتني طلق صناعي بالوريد وبعدها بدأ الطلق الحقيقي الي اعرفه 🫨 بس حاااارر وبدون مسكنات لدرجه قلت خلاص أبي عمليه تعبت من امس طلق تد الحيل وتو يبداً الطلق الحقيقي قامو يهدون فيني وكل شوي تقيس ولا يتغير شي قمت دقيت على ام زوجي وقلتلها تعبت بحول عمليه ادعيلي قامت تهدئ فيني وجتني الطلقه وقفلت من الألم وكانت توجعععع غير عنهم كلهم طلع البيبي نزل الحمدلله بالحوض وطلبتها اروح الحمام أكرمكم الله قالت لي عادي تو أنتي ٥ ورحت وإلا احس بالدفع وأنا بالحمام قلت أكيد بنظف بطني قبل ينزل البيبي وسويتها نمبر ٢ إلا واحس مااااقدر أقوم يالهسحبت نفسي وطلعت وقلت للسستر قالت عادي هذا 💩 روحي حمام قلت لاااا قال بفحصك وجت تفحص إلا الرحم فاتح9 و قامت تركض فيني ركض ع الولاده وجهزو الأغراض وع طول اول ما تسدحت بالسرير بدأ الدفع قعدت ادفع ورا بعض بس مو متواصل عشان هالحمل في مشكله بفخذي وما أتحمل ادفع فتره وهم كأنو متعاوناتتتت مره رغم ان طريقتي غلط وسببت لي جروح كثيره بس مالمسوها ولا اجبروني أبدا كأنو عسل وهاديات لدرجه إني نقدت على نفسي بس إذا فكرت اصارخ واقول يلا آخر وحده يارب وهكذا لين طلع الرأس بعدها قالت أوقف دفع رغم انو صعب جدا بس مسكت نفسي لين ماطلعت باقي الجسم وجا ع الدنيا نادر حبيبي رابع الضحايا بصحه وسلامه اللهم لك الحمد بس ازعجني شي واحد إلا وهو أني جليتر بالغرفه أربع ساعات قبل يطلعوني للتنويم بعد ماراح وقت الأكل الدافي المهم وكنت ما تعشيت عشان لو يحولوني قيصري ف متت جوع وأغراضي كلها مو معي عشان آخذ سناك وكذا ولدت الساعه ٥ ونص وما أكلت إلا الساعه ١ الظهر والبيبي مارضعته إلا تو قبل شوي بعد ما أكلت وتو الحين تسبحت وانتعشت وفضيت أقولكم سالفتي الطويله ف انتبهو بنات لا تشربو شي أبدا قبل يبداً الطلق يصير حامي أو حقيقي عشان مايفتح معكم الرحم بدون طلق وتحولون صناعي أو عمليه لا قدر الله كل شي بوقته وربي كنت بموت بالطلق الصناعي