السلام عليكم ورحمة الله الحمدلله انا ولدت لي يومين في الحبيب السويدي وبدون مبالغه كانت ابشع ولاده لي بحياتي ،ملاحظه عندي طفلين وسبق وولدت بكل واحد بمستشفى الطفل الاول في الجامعي والبنت الثانيه في الريان وكل ولاده تختلف عن الثانيه ، بكتب لكم بالتفصيل الممل واتمنى انكم تاخذون كل كلمه بعين الاعتبار ولا تغلطون زيي.. كان عندي موعد مراجعه في الاسبوع الاول من التاسع ورحت للمستشفى وسوت لي دكتورتي امامه كشف قالت عندك توسع ٢ سم ونص تعالي الساعه خمسه الفجر دخول (ياليتني ماجيت) فرحت ابي ارتاح من الثقل والتعب دخلوني تنويم وغيرت ملابسي وعادي يكون معك مرافق لأن الوقت طويل المهم بختصر وبقول المفيد اخذت ابرة ظهر وانرعبت وحاولت اهداء والدكتور صوته عالي وحكيه كثير (مصري) مافي الا هم والباقي ماعندهم اي خلفيه ابد اخذت الابره وكنت مرتاحه عليها وكاني حولي لين فتح الرحم ٥ سم وراح مفعول الابره وصرت اصرخ زي المجنونه واصرخ انقذونيي جابولي وحده سودانيه بدل المصري وتدق عليه وتقول ماتبنجت وتشيك على الابره وهي بمكانها واصرخ تكفين تكفين بموت بنجيني وتزيد وتزيد وتزيد بدون اي نتيجه وتركض تجيب زياده وهي متواصله مع المصري حق التخدير ويسمعني اصرخ ويقول زودي جرعة كذا كذا وتزيد وتزيد ولا فيه اي نتيجه تذكر حسبي الله ونعم الوكيل الألم كان يقطع مصاريني وعروق جسمي كلها احس فيها زي النااااار ( مع العلم اني ولدت في الحبيب الريان ب ابرة ظهر والله يشهد علي اني ماحسيت ب اي شي ولا ادري عندي ولاده وطلعت بنتي بشوية مساج حنوووون وبدون شق حتى ولا دف) يعني مهم جداً يكون دكتور التخدير كويس وكل الطاقم المهم صرت ادف والسودانيه تحاول تخفف الالم وتسألني تسألني تبنجتي واصرخ ب لا فيه شي يندف وكان فوق راحت تركض تنادي اي دكتوره مافي احد جت الممرضه الي مسئوله عني اضطرت تفحص وقالت ٩ سم وتفتح اسبيكر التلفون وتركض بين رجولي تشوف وتصرخ عليهم ىكممم بليييييييييز ماحد جا وتركض تفحط بالسيب وتصرخ ىترجع تركض تطالعني من تحت وانا انواع الصراخ ابي ينقذوني ويوم شفتها كذا قلت بس رح اموت دخلو علي ممرضتين زياده ودكتوره باكستانيه الله لا يوفقها وبس يناظرون تحت وفتحو السرير ورفعوه على وحده من رجولي ضغطت الحدايد ببعض على وحده من رجولي واصرخ وهم يرفعون يرفعون لين غصب انتبهو بغيت انحرم من رجلي رفعو رجولي على فوق الثنتين ورفعو السرير بوضعية الجلوس المتعب الي يضغط عالحوض والحوض فيه زي الطاوله وابكيييي وادف ياعالم ادف حسيت الحوض انكسر وطلع منه شي نزل تحت واحاول ادف علق ولا ساعدوني وتجيب المقص وتوريني وتحرك المقص كل شوي ارعبوني وربي وابكي لااااا لاااا قالت اصصصص مافي صراخ مافي بكى خلاصصصص بحط بنج حطت بنج بس قلبي يرجف من الحظه ذي مرعبه ويقولون دفي ويدها على فتحتي اصبعين اصبعين شققتها قلت كييف ادف ويدك قطعتنييييي وارص على اسناني شوي واكلها جتني حاله نفسيه احس من تحت التهاب ودم ومويا وحراره وشي ماينوصف اقولها شيلي يدك شيلي وهي كأنها مدخله يدها بكيس رز وادف ادف صرت اطلع صوت زي صوت الناقه وطولت وانا ادف لين طلع الراس وارجع لصوت الناقه وتضغط الممرضه المجرمه الي كسرت رجولي تبي تشوفني من تحت تضغط الحديده على يدي وتطلع واصرخ يدي الله لا يوفقك يامجرمه وتتأسف وانا بموت الراس دقر وادف لين تطلع الكتوف وتطلع كلها ويرمونها على بطني وهي تبكي وانا ميته صياح بصوت الناقه 😭 وخلوني ينتظرون ست الحسن دكتورتي الفاضله الي من جيت يسون لها استدعاء الي اراجع عندها الي تاخذ نص القيمه اثاريها شغلتها بس تخيط عشان تستفيد وانا من حملت وانا ادور ادخل من دكتوره لدكتوره ادور احد ارتاح له عشان يولدني واخر شي ماديه بعياداتها ماتركت عياداتها الا وقت الخياطه وبعد ساعتين وانا مفتوحة رجولي والهواء قتلني(دكتورتي اسمها امامه) وبنتي ماشفتها قالو عندها ضيق في التنفي وبالعنايه وعلى المغذي والتنفس الصناعي( السبب قالو يمكن انتي كان عندك ضيق تنفس وماعالجتيه وفعلاً كل ماجيهم اقولهم مكتومه قالو طبيعي وعطوني حبوب حديد) واليوم على قولتهم بيسمحون ارضعها وجت خيطتني للامانه طولت كأنها تخيط فستان وبنجتني من تحت هذي الشي الوحيد الحلو الي سوته شكلها دبست المكان تدبيس لانو طولت ومخمخت وانا هلكاااااانه خلوني ساعتين بعد الخياط بنفس الغرفه والبرد قتنلني عظامي ترجف ابي كماده مافيه واصرخ خذوني من هنا قالو باقي نص ساعه( عشان يتأكدون مافيه نزيف) خذوني غرفتي بعدها وجلست اصيح ابغاهم يشيلون الي حق البول اعزكم ربي يحك بالخياطه وبموت الم ومايعطوني وجه كلهمم كل مادق الجرس جتني ممرصه غير اخر شي قالو ينشال بعد ست ساعات ويلا ياصيااااح ونفسيتي زق ومابي احد يزورني من تحت الممم الم بموت منه يشهد علي ربي كل كلمه صدق وطلعوها بعدها وعورني من تحت مرررره مره واجلس اضغطه من الالم احسه تكهرب قمت ابي الحمام مويا دافي بهدي نفسي ،الصدمه الحمام مويته بارده ياجماعه 😭 مو زي فرع الريان واغسل واحط غسول من الي عطوني وعجزت اعرف انظفه ويعور يعور بدون مويا دافي رجع زوجي على ١٢ واقوله يعبي لي قاروره من البراده برا واغسل فيها وصار هذا نظامي كل ماجيت ادخل الحمام وفيه اشياء واجد بس قلت المهم الي انا احسها مهمه بالنسبه لي وحسبي الله على من كان لها تجربه سيئه وماقالتها لنا حرام حب لأخيك المسلم كما تحب لنفسك كنت محتاجه احد يقول لي عن هالمستشفى ودايم اسأل مالقى اجابه اي بعد الحقنه الشرجيه ذي بعد مهم اذكرها دخلتها بدون كريم دخلت كأنها سكين وعورتني حيييل وبعد كانو يكذبون علي انو ابرة الظهر وقت الدف لازم يخففوها يحسبوني مو مجربه وهم يحاولون يبنجوني تزيد الجرعات عالفاضي بالاخير اتمنى تاخذون حكيي بعين الاعتبار ونصيحة اخت لأني كنت احتاج احد ينصحني وكنت غبيه اقول كل وحده ولادتها تختلف والي تسب او تقول بنتي صار لها شي اقول قضى الله وقدره وهو فعلاً بس لازم ناخذ بالاسباب فرق كبير بس فرع السويدي والريان وربي فررررق، بالمختصر حبيب السويدي كأنه حكومي واسوء واي استفسار انا حاضر والله على مااقول شهيد .. ادعوا لبنتي تقوم بالسلامه وتقر عيني فيها بعافيتها والله يخفف عني الم الخيوط وعذراً على اسلوبي المتواضع في الطرح ولاتنسوني من دعواتكم والله ابي الأجر بذكر تجربتي ..