الحمد لله وشكر لله ولدت نهار 23/11/2021 ولادة قيصرية كولشي داز على خير والكين الخلعة ليكانت فيا عمري نساها حيت اول ولدة معنديش تجريبة قبل ههه كون كنت عارفة كولشي هيدوز بسلام مغديش نسبق ديك الخلعة كاملة مكنعس مكنشوفو وكنرعد بالخلعة بقات فيا الدابا رعدة كنتهز ونتحط بحال الا يالله كيمشي منك البنج وكنرد نرد حشاكوم ليلة ليهندير عملية دازت عندي كحلة منعست مشفت نعاس وكنرد حتى مبقة منرد حشاكوم وكنبكي نبكي حيت داز عليا لوحم صعب من لولادة والله الله اسمح لينا من حق الوليدين والله 9 اشهر كاملة دوزتها في الفراش وسبحان الله نهار ولدت بحال الا كنت كنكدب هاغمة وحيتيها فوق قلبي مهما الحريق وتعب والارهاق ونعاس مكتشوفيهش من قبل الولادة ومن بعدها خلاص مع البيبي والفرحة مكتخليك كاع تنعسي الله ارزق كل محرومة ياربي انا راه 5سنوات زواج ويالله كتاب نحمل ونولد حمد الله بغيت نقول البنات انا بحكم دوزت 9اشهر في الفراش بلا اكل ولا شراب لوحم خايب كنت تواليط دروري ايديني ليها شيواحد حيت كنصخف وانا ليختارت صيزاريان حيت جهد جهد الله كيما كيقولو والكين مكناش قادرة نولد عادي ومتسنيتش لوجع لاولو حيت عارفة هنتوجع تنعيا وغادي ندخل ندير عاملة البنات ماتسبقيش الخلعة كولشي فايت خاصك غير تعرفي عندمن هاتولدي ولكلنيك اكون نقي وتعامول زوين هدا هو اهم اما الألم عندو 5 ايام وكولشي كيفوت الحمد الله ياربي الله افك وحايلكوم على خير ياربي ورزق كول محرومة وشوفي احسن وقيتة هدوزيها هيا فاش ياالله هتولدي تمتعي بيها وفرحي معا عائيلتك حيت من بعد ما هدوز هتندمي عليها ههه الله افرحكوم ياربي
العضوة: 1145782 , 4 years ago
مبروك عليك يتربى في عزكم إن شاء اللهالعضوة: 877489 , 4 years ago
@user-1145782 امين ياربي ولدت بنيتاالعضوة: 1145782 , 4 years ago
@user-877489 حتا انا عاد بنيتا عاد كملت 40 يومالعضوة: 1063213 , 4 years ago
ختي عفاك ممكن نعرف اينا كلينيك ولدتي و بغيت نسولك على القسطرة واش صعيبة فتركاب وتحياد حتانا اول ولادة ليا وختاريت العملية حيت جهد والو يارب تجاوبيني