منو صار وياها نفس الي دامر بيه تكتبلي ولو كلمه تطمني من اسبوع واني عندي افرازات بنيه وتزيد ويا التعب والمشي وخاصه بالجهه اليسرى من البطن والرجل اليسرى .. رحت للطوارئ كالو احتمال حمل خارجي سوولي سونار داخلي وشافو كيس الحمل بالرحم الحمدلله اشكر ربي واحمده مو برا الرحم بس ماشافو لا جنين ولا شي ثاني لازم انتظر اسبوع ثاني يلا ارجع اسوي مرة الخ بس بعد السونار تحول الدم للاحمر مثل مال دورة وبالمسح يبين بس بالفوطه (مع احترامي الكم) مايبين شي غير بس نقاط حيل خفيفه وصارلها مستمرة من البارحه وطلعوني للبيت كالو منكدر نسويلج اي شي بس روحي ارتاحي وانتظري اسبوع بس اذا تحول الدم غزير او الم تعالي .. بس الحمدلله الم ماكو بس مجرد دم ... كالو اكو هواي يجيبلهم هيج دم بس يستمر الحمل واحنا بس نشوف جنين راح نقرر اذا كان اجهاض او حمل يحتاج مثبت منو بيكم مر بهل شي وكمل حمل طبيعي ؟؟؟ يارب الترد ولو بنقطه الله يرسح كلبها وينطيها كل التتمناه 🙏🙏🥹 جاوبوا الله يحفظكم