هذي ولادتي بطفلي الثاني يوم الجمعه بعد ماتغديت سويت لي حليب بالزعفران وحليته بعسل طبيعي ملعقة تقريبا ثم أكلت 6 تمرات وبعدها شربت كوب قرفة وبعدين سخنت لي زيت زيتون مع حبة سوداء ودهنت بطني وظهري وجلست بماي دافئ نص ساعه تقريبا وبعدين رحت على الشور خليته يركز على ظهري بموية حارة بس أتحملها وبعد ما خلصت شور طلعت امشي تقريبا ساعتين وبعدين سويت قرفصاء لين زهقت طبعا سويت كل هذا ولا احس باي آلم . وجاء وقت النوم ونمت وجلست فجر يوم السبت عشان الصلاة وماكان فيني اي حاجة بعدها خلصت صلاة ورحت بنام الا بدا معي طلق خفيف بارد حيل اخف من الم الدورة ومو منتظم ونزلت مني افرازات بيضاء كثيفة طبعا بدا معي الساعه 6 الصباح الى الساعه 4 مليييت وقمت شربت كوب قرفة واكلت ملعقة عسل طبيعي واكلت تمرر وجلست اسوي قرفصاء وما جات الساعه 6 المغرب الا انفتح الماي وبدا الطلق معي ورحت اجهز نفسي وأخذت لي شور وبعدها الساعه 9 رحت المستشفى وكان معي طلق قوويي كشفت علي الساعه 10 كان الرحم 2سم وماجات الساعه 12 ونص تقريبا الا فتح 5سم وقالت لي يلا ولادة وانا ميتة من حرارة الطلق قوي وسريع ورى بعض كل من جات لي طلقة اشرب موية واستغفر وادعي ربي يجعلها علي بردا وسلاما وسبحان الله الالم يخف ورقوني غرفة الولادة وطلبت إبرة ظهر وبس على ما أوقع الاوراق ويشرحون لي أخطارها سوت لي كشفية الا قالت مافيه وقت مانقدر نعطيك إبرة الرحم فتح 10 مانقدر نعطيك اياها يلا ادفعي وجلست ادفع وادفع وطلع ولدي بالسلامة الساعه 1:40 بالليل يوم الأحد 29/3/2020